Nanguna si Zamboanga Sibugay 2nd District Congresswoman Doc Marly Hofer T. Hasim sa pagpahigayon sa turnover ceremony sa bag-ong covered court sa Moreno Tadeo Memorial Elementary School nga nahimutang sa Barangay Taway, lungsod sa Ipil, Zamboanga Sibugay.
Pinaagi sa maong pasilidad, adunay mas lapad ug maayong lugar ang mga estudyante alang sa ilang mga kalihokan sa eskwelahan, sports activities, programa ug uban pang kalihokan sa komunidad. Gilauman usab nga makatabang kini sa pagpalambo sa talento, pagsalig sa kaugalingon ug panaghiusa sa mga kabataan pinaagi sa ilang aktibong pag-apil sa nagkalain-laing kalihokan gawas sa sulod sa classroom.
Gipadayag usab ang pasalamat kang Congresswoman Doc Marly Hofer T. Hasim tungod sa iyang padayong suporta sa mga proyekto nga nagtumong sa pagpauswag sa mga pasilidad sa edukasyon ug paghatag og mas maayong kahigayonan sa mga kabataan. Giila ang maong proyekto isip usa ka puhunan alang sa mas maayong kaugmaon sa mga estudyante ug sa sunod nga henerasyon.
