Patay ang usa ka 70-anyos nga lalaki human kini gidunggab sa iyang anak sulod sa iyang minivehicle didto sa downtown district sa Fukuoka, Japan niadtong Lunes sa gabii.
Giila ang suspek nga si Yuki Sakai, 37-anyos nga walay trabaho kinsa nasikop human nga napamatud-an nga siya ang mipatay sa iyang amahan.
Base sa inisyal nga imbestigasyon nga nakadawat ug tawag ang kapulisan pasado alas 6:10 sa gabii, ug dali usab kini nila girespondihan aron sa pagverify. Nakita ang biktima nga nagbuy-od ug naligo sa kaugalingong dugo apan anaa pa kini sa panimuot.
Dali usab nga gidala ang biktima sa pinakaduol nga balay tambalanan alang sa medikal nga attensyon. Kahinumdoman nga una niini, adunay nahitabo nga pagpanunggab sa duha ka mga tawo duol sa Mizuho PayPay Dome stadium sa samang siyudad ug ang suspek nga 30-anyos nga lalaki nasikop dayon.
Sa ulahi, gi-angkon sa anak sa biktima siya ang miunay pagpatay sa iyang amahan ug gusto lamang matod pa niini nga patyon sa walay igong rason.
Photo for illustration credits to: Ny times
