Nadawat ni PCPT JEFFERSON D PELOVELLO, Officer In Charge sa Lupon Municipal Police Station ang usa ka pasidungog o ang Medalya ng Kagalingan kini atol sa tradisyonal nga Monday Flag Raising Ceremony didto sa DOPPO Activity Center, DOPPO Compound, Brgy. Dahican, Mati City, Davao Oriental niadtong Disyembre 15, 2025.
Ang kalihokan gipanguhan sa Provincial Director sa Davao Oriental Police Provincial Office nga PCOL RITCHIE S BUCOL kinsa mihatag usab ug pasidungog sa uban pang mga deserving nga personahe sa kapulisan kini agig pag-ila sa ilang katakus ug walay puas nga pasundayag atol sa ilang malampusong pagpatuman sa warrant of arrest nga niresulta sa pagkasikop sa Top 10 Most Wanted Person sa regional level sa Davao Oriental.
Ang maong pasidungog nagpasiugda sa propesyonalismo, dedikasyon ug pasalig sa katungdanan sa kapulisan sa pagpatunhay sa kaluwasan sa publiko ug sa mga lagda sa balaod.
Padayun usab ang pasalig sa Lupon Municipal Police Station ngadto sa publiko sa pagpatuman sa balaod nga anaa sa tukma nga pamaagi ug aron usab nga mamentinar ang kahusay, kahapsay ug kalinaw sa munsipyo ug sa probinsya.
