Padayong nakigbatok si King Charles batok sa kanser og nagpadayag og maayong balita mahitungod sa iyang kahimtang, human ipahibalo nga positibo siyang mitubag sa iyang cancer treatment.
Sa usa ka personal nga mensahe, giingon sa hari nga ang sayo nga pagkadiskubre sa sakit ug ang epektibong interbensyon dako og tabang aron mamahimong mausab ug mapadayon ang iyang pagtambal sa umaabot nga tuig.
Kini ang labing klaro ug mahinungdanong update sa iyang kahimsog sukad gipadayag niya sa publiko ang iyang diagnosis niadtong Pebrero 2024, bisan pa man wala gihapon ipadayag ang klase sa kanser niini.
Sumala sa Buckingham Palace, miuswag pag-ayo ang kahimtang sa hari, hinungdan nga gibalhin siya sa usa ka precautionary phase, samtang padayon ang pagmonitor sa iyang kahimsog.
Photo courtesy : Todays Show
