Gipasidunggan sa Bangko Sentral ng Pilipinas (BSP) ang 17 ka micro entrepreneurs ug 3 ka microfinance institutions sa 4th Digital Financial Inclusion Awards (DFIA) tungod sa paggamit sa digital solutions aron mapalambo ang ilang negosyo.
Sumala ni BSP Governor Eli Remolona Jr., dili na tinuod nga ang digital tools para lamang sa dagkong negosyo, kay karon ang gagmay nga negosyante dali na makagamit og barato ug sayon nga digital platforms sama sa online selling, QR payments, ug business systems.
Usa sa mga awardees, si RJ De Chavez, nagsugod sa usa ka Php5,000 nga loan gikan sa Ahon sa Hirap, Inc. aron magtukod og gamay nga restaurant. Pinaagi sa digitalization, nadugangan ang iyang negosyo ug karon adunay tulo ka branches, samtang ang mga customer makapamalit ug makabayad online gamit ang e-wallet.
Gipasidunggan usab ang GRF Hublag Microfinance Foundation, Taytay sa Kauswagan, ug MASS-SPECC Cooperative Development Center alang sa ilang suporta sa micro entrepreneurs.
Gidawat ni Joey Concepcion, founder sa Go Negosyo, ang paggamit sa digital tools, nga makatabang sa pagpalambo sa mga micro ug small entrepreneurs ug sa ekonomiya sa nasud pinaagi sa paghatag og trabaho ug paghimo og daghang negosyante.
Photo Courtesy to: Philippine Information Agency
