Nangita og lisod-lisod nga pangatarongan ang usa ka lalaki sa Russia human nagpaka-aron ingnon nga gi-carnap ang iyang kotse aron dili maka shopping ang asawa.
Niadtong nakalabayng buwan sa Oktubre, ang kapulisan sa Krasnoyarsk mi-report sa usa ka makahibulong nga kasong ilang giasikaso human adunay lalaki nga miunay og guba sa iyang sakyanan aron peke-on nga gi-carnap kini aron lang dili makauban sa shopping sa iyang darling.
Matod sa kapulisan nahitabo kini niadto pang Abril apan karon ra lang nila gipagawas sa publiko. Sumala pa sa istorya, ang asawa ang nanawag sa mga pulis aron i-report ang pagkawala sa ilag sedan-type nga kotse nga nakaparking ra unta duol silang balay.
Sa wala magdugay, nanawag balik ang asawa og mipahibalo nga nakit-an na nila ang ilang sakyanan sa kasikbit nga isla sa Otdykha.
Sa dihang gisusi sa mga kapulisan ang maong sakyanan. Nakit-an nila ang senyales sa forced-entry ug guba nga ignition switch apan human gipangutana nila ang bana, nagduda na sila kay wala magtakdo ang iyang mga tubag.
Didto na gi-tuldokan ang imbestigasyon nga gipeke sa bana ang carnapping case diin bisan paman walay criminal record kini adunay atubangon nga duha ka tuig nga pagkapriso tungod sa giingong “Knowingly False Denunciation.”
Photo Courtesy to:freepik
