Posibleng moubos ang presyo sa Diesel og Php0.10 hangtod Php0.30 kada litro sunod semana. Sumala kang Jetti Petroleum president Leo Bellas, nagpakita ang merkado sa produkto og pag-us-os sa presyo sa crude oil, tungod kay ang posibilidad sa kasabutan sa Russia-Ukraine nakapaminus sa kabalaka bahin sa kakuwang sa supply.
Gisulti sab niya nga mikunhod ang presyo sa Asia tungod sa pagtaas sa supply expectations, posibleng mas daghang export gikan sa China, ug pagbalik sa operasyon sa mga refineries.
Niining semana, wala’y kalihukan sa presyo sa diesel, apan ang gasolina misaka og P1.20 kada litro.Gipaabot usab sa Department of Energy nga moubos ang presyo sa gasolina ug diesel sa umaabot nga mga semana tungod sa oversupply sa unang quarter sa 2026.
Sumala kang DOE Oil Industry Management Bureau Director Rino Abad, nagpakita ang forecasts sa International Energy Agency ug US Energy Information Administration sa sobra nga supply sa fuel, nga nagpalig-on sa posibilidad nga magpabilin nga ubos ang presyo sa umaabot.
SOURCE: PNA
