Ibawal sugod Pebrero ang paggamit og cellphone sa tanang elementary schools sa Israel, sumala sa pahibalo ni Education Minister Yoav Kisch. Tumong sa polisiya nga maminusan ang distractions sa klase ug mapalig-on ang social ug emotional development sa mga estudyante.
Gipasabot ni Kisch nga ang lakang nag-awhag sa face-to-face nga pakig-uban ug paglalang og learning environment nga gawasnon gikan sa kanunay nga exposure sa screen. Tugotan lamang ang paggamit sa cellphone sa pipila ka klase kung aprobado alang sa edukasyonal nga katuyoan.
Maghatag ang Education Ministry og suporta sa mga eskwelahan pinaagi sa classroom-based nga mga programa ug pakig-dialogo sa mga ginikanan aron mapalambo ang responsableng paggamit sa cellphone, malikayan ang sayop nga paggamit sa social media, ug mapugngan ang exposure sa dili angay nga sulod.
Gibutyag ni Senior Deputy Director Ina Salzman nga nagpakita ang mga pagtuon nga ang kanunay nga paggamit sa cellphone nalangkit sa ubos nga academic performance, ug mas lisod putlon ang bisyo kon sayo pa masugdan ang exposure sa smartphone.
Ipatuman ang pagdili sa tanang bahin sa elementary schools, apil ang oras sa pahulay, ug dili pa sakop ang middle ug high schools.
Gisulti ni Education Ministry Director General Meir Shimoni nga hinay-hinay ang implementasyon ug magsugod sa Pebrero aron makapangandam ang mga eskwelahan.
SOURCE: PNA
Photo Courtesy to: Interrupt Media
