Opisyal nang gi-anunsyo sa WWE ang pagretiro sa pro-wrestling icon nga si John Cena, human sa iyang final match sa Capital One Arena sa Washington, D.C. niadtong Disyembre 14.
Sa Saturday Night’s Main Event, miatubang si Cena kang Gunther ug sa unang higayon sa kapin sa duha ka dekada, mi-tap out siya human ma-lock sa sleeper hold—timailhan sa pagtapos sa iyang 24 ka tuig nga karera sa WWE.
Human sa duwa, nagpabilin si Cena sa ring aron pasalamatan ang fans, samtang gi-honor siya sa mga top WWE superstars. Gibiyaan niya ang iyang wristbands ug sapatos sa ring, simbolo sa opisyal nga pagtapos sa iyang 24 ka tuig nga karera sa WWE.
Si John Cena misugod sa WWE niadtong 2001 ug nahimong 17-time world champion ug usa sa pinakadakong ngalan sa kasaysayan sa WWE.
Photo Courtesy to: WWE
