Armas, bala ug mga druga ang nakumpiska sa kapulisan gikan sa usa ka suspetsado atol sa gilusad nga search warrant operation sa Purok Pagang, Barangay Kawit, Pagadian City, adlaw’ng byernes, Disyembre 12, 2025.
Gikasa ang operasyon sa pagpanguna sa Pagadian City Police Station kauban sa 902nd Regional Mobile Force Battalion Region 9 nga miresulta sa pagkasikop sa usa ka 40-anyos nga mananagat.
Bitbit sa otoridad ang search warrant nga gi-isyu sa Executive Judge, Regional Trial Court, 9th Judicial Region, Pagadian City, pinetsahan kaniadtong December 11, 2025.
Nalangkob sa nakumpiska ang unom ka pakete sa druga, usa ka black pouch, usa ka kalibre 38 nga revolver nga adunay upat ka buhing bala nga gisulod sa usa ka slingbag.
Ang nadakpan nga drug suspect nakakustudiya na sa Pagadian City Police Station alang sa pagpasaka sa kaso may kalabutan sa RA 10591 ug RA 9165.
Samtang ang tanang nakuha nga mga druga giturn-over ngadto sa Zamboanga del Sur Provincial Forensic Unit alang sa laboratory examination.
Photo Courtesy to: PD ZSPPO, PRO9
