Giawhag sa TESDA Zamboanga del Sur ang mga Local Government Units nga palig-onon ang technical-vocational education and training (TVET) pinaagi sa pagpalambo sa mga training center sa matag munisipalidad.
Kini nga gipresentar sa TESDA Zamboanga del Sur atol sa fourth quarter meeting sa League of Municipalities of the Philippines Zamboanga del Sur Chapter nga gihimo ning bag-o.
Pinaagi niini, gidasig ang mga mayor nga magtukod ug LGU-run registered training centers ug accredited assessment centers aron mas mapalapdan ang oportunidad sa pagbansay ug pagkuha og skills certification sa mga residente.
Gidasig usab sa TESDA ang mga lokal nga panggamhanan nga ilakip ang TVET sa ilang municipal codes, Annual Investment Plans ug lokal nga badyet aron mahimong padayon nga programa ug dili lang temporaryong proyekto.
Photo courtesy: TESDA ZAMPEN
