Prayoridad sa Department of Education (DepEd) sa 2026 budget nga suportahan ang Inclusive Education programs, nga nakatutok sa mga magtutungha nga may mga kabilinggan ug mga IPs.
Matod ni DEPED Secretary Sonny Angara, nangunang katuyuan sa DEPED ug sa administrasyong Marcos aron siguruhon nga ang tanan kapareho alang sa mga opurtunidad sa edukasyon.
Alang sa 2026, ang Special Needs Education makadawat ug P1.04 bilyon, ang Alternative Learning System may P897 milyon, ang Madrasah Education Program alang sa mga Muslim learners adunay Php521.62 milyon.
Gigahinan usab sa ahensya ang Indigenous Peoples Education (IPEd) ug P154 milyon alang sa 482,329 nga mga IP students. Padayon ang DEPED sa pagtutok sa ALS, nga naghatag ug ikaduhang higayon sa edukasyon.
Sa pakigtambayayong sa UNICEF, kapin kon kulang 400 ALS learners ang nakahuman sa Micro-Certification Program, nga nag-abli ug mas daghang opurtunidad sa trabaho ug panginabuhian.
Gawas niini, nakigpartner sab ang DepEd sa Special Olympics Pilipinas aron iduso ang inklusyon sa mga indibidwal nga may intellectual disabilities pinaagi sa sports programs.
Photo Courtesy to:DepEd
