Nakita na sa Department of Health (DOH) ang posibilidad sa Zero Balance Billing nga mahiapil ma ang mga ospital sa local government hospital.
Matod ni DOH Spokesperson Albert Domingo, posible kini tungod sa diskusyon sa Bicameral Conference Committee meeting nga posibleng madugangan og P1 bilyon ang pundo sa ilang ahensya alang sa extension sa nasangpit nga programa.
Gipasabot ni Domingo nga pinaagi sa maong pundo, mahimo na nilang ma-cover ang level 3 LGU hospitals sa nasud ug kon dili madugangan ang ilang pundo, mahimo pa nga masakop sa unom ngadto sa walo ka probinsiya ang ilang budget karon.
Gibutyag ni Domingo nga ang mga LGU nga makabenepisyo sa Zero Balance Billing mao ang mga lokal nga kagamhanan sa Sarangani, Laguna, Aklan ug Benguet samtang ang Pampanga, Bataan ug Quezon sa pagkakaron gikonsiderar nga idugang.
Samtang, base sa datus sa Malakanyang, kapin sa 1,078,000 ka mga lungsuranon ang nahimong benepisyaryo sa maong polisiya sulod lang sa upat ka buwan.
Photo Courtesy to: PCOGOVPH
