Gisugdan na sa Senate Blue Ribbon ang imbestigasyon sa mga reklamo bahin sa extortion, abuso, ug lain-laing panguwarta nga modus nga giingong nahitabo sulod mismo sa Bureau of Internal Revenue (BIR).
Gipunting sa mga senador ang daghang pasangil kabahin sa sobra ug dili regular nga pagpagawas sa Letters of Authority (LOA) sa pipila ka BIR personnel, nga gigamit aron i-pressure, i-harass, ug i-extort ang lokal ug langyaw nga negosyo.
Ang LOA usa ka opisyal nga dokumento nga gamiton sa BIR aron susihon ang mga libro ug rekord sa usa ka taxpayer aron masiguro nga sakto ang ilang bayad ug buhis.
Sa laing bahin, si Senador Panfilo “Ping” Lacson, nga maoy nagdumala sa komite, mipahayag nga andam na usab ang Blue Ribbon Committee sa pag-andam sa partial report kalabot sa ilang laing ongoing investigation, ang mga anomaliya sa government flood control projects.
Photo Courtesy to: Decode Technologies
