Misaka sa 63.6% ang labor force participation (LFP) sa Oktubre 2025, gikan sa 63.3% sa miaging tuig, sumala sa Philippine Statistics Authority (PSA). Gibanabana nga 51.16 milyon ka Filipino ang kabahin sa labor force, mas taas kaysa 50.12 milyon sa miaging tuig.
Bisan pa niini, mikunhod ang employment rate sa 95% gikan sa 96.1%, samtang misaka ang underemployment sa 5% gikan sa 3.9%. Kadaghanan sa trabahante naa sa services sector (60.6%), gisundan sa agriculture (21.5%) ug industry (17.9%).
Gipasabot ni DEPDev Secretary Arsenio Balisacan nga kauban sa pagsaka sa labor participation ang pag-uswag sa kalidad sa trabaho. Kadaghanan sa wage and salary workers sa Oktubre nagtrabaho sa private establishments, middle- ug high-skilled positions, ug full-time employment.
Gisugyot niya ang paggamit sa digital technologies, industry-skills matching, ug skills training programs aron mapalambo pa ang trabaho. Pinaagi sa Trabaho Para sa Bayan Plan 2025-2034 ug Philippine Development Plan 2023-2028, tuyo sa gobyerno nga mapaayo ang workforce competitiveness ug matudloan ang mga Filipino sa in-demand skills sama sa digital literacy, green technology, ug high-value services.
Sumala ni Finance Secretary Frederick Go, 80% sa wage and salary workers nagtrabaho sa private sector ug 14.8% sa government sector, usa ka timailhan sa padayon nga paningkamot sa gobyerno sa paghimo og kalidad nga trabaho.
SOURCE: PNA
