Gipresentar sa Philippine Statistics Authority (PSA) Bukidnon ang pinakabag-ong datos atol sa gipahigayong Provincial Data Dissemination Forum nga nagtigum sa lokal nga mga opisyal, sektor sa agrikultura, media ug dagkong stakeholders aron masabtan ang kahimtang sa ekonomiya ug produksyon sa Bukidnon kagahapon Disyembre 12, 2025
Base sa datos sa Agricultural Statistics Performance sa PSA, nasayran nga ang value of production sa crops, livestock & poultry, ug fisheries sector pabiling nagbarug ang Bukidnon isip usa sa labing kusgan nga agricultural provinces sa nasud tungod sa padayon nga kataas sa produksyon ug kalidad sa mga produkto.
Gipasigarbo ni Chief Statistical Specialist Maria Evangeline N. Non ang Bukidnon nga Top 1 sa tanang probinsya sa Pilipinas sa Highest Value of Crop Production, usa ka timaan sa lig-on nga sektor sa agrikultura ug suporta gikan sa mga mag-uuma, lokal nga kagamhanan, ug pribadong sector kansang nagpakita sa dako nga kontribusyon ngadto sa food supply ug economic output sa nasud.
Lakip gipadayag ang resulta sa Occupational Wages Survey 2024, nga naglatid sa kasamtangang wage structure sa nagkalain-laing sektor sa probinsya, update sa Headline Inflation Rate, nga naghatag og hulagway sa paglihok sa presyo sa nag-unang produkto ug serbisyo
Pinaagi sa forum, naglaum ang PSA Bukidnon nga mas mapalig-on ang polisiya ug desisyon sa lokal nga pangagamhanan, matabangan ang mga stakeholder sa pagplano, ug mas mapalapad ang kahibalo sa kahimtang sa agrikultura ug ekonomiya sa probinsya
