Gibungkag ni Thailand’s Prime Minister Anutin Charnvirakul ang ilang parlamento aron mupatuman sa mas sayo nga piliay sa ilang nasud. Gi-aprobahan ni King Maha Vajiralongkorn ang gi-endorso sa primo ministro.
Tumong niini nga malikayan ang “no-confidence vote” nga gustong ipamugos sa minority group sa gobyerno. Mipasabot si PM Charnvirakul nga sa maong paagi, mahatagan sa oportunidad nga ibalik ang gahum sa katawhan pinaagi sa eleksyon.
Subay sa konstitusyon sa Thailand, kung mabungkag ang parlamento, insigida, muligid ang eleksyon sulod sa 45–60 ka adlaw.
Laraw ni Charnvirakul nga ipahigayon ang piliay sa unang semana sa Pebrero 2026, inay sa regular nga petsa sa ilang piliay nga natunong sa katapusang semana sa Marso o sa unang semana sa Abril.
Usa sa pinakabug-at nga rason sa pagbungkag sa ilang parlamento mao ang nagpadayong tensyon sa border sa Thailand ug Cambodia nga mikutlo na sa 20 ka kinabuhi, sukad nasubli ang pagpatay sa usa ka Thai Army niadtong Disyembre 8
via: CAMBODIANESS
