Nagpagawas ug advisory kagahapong adlawa, Huwebes, Disyembre 11 si PDEA Director General Undersecretary Isagani Nerez kabahin sa sunod-sunod nga taho maykalabutan sa Peyote cacti nga anaa na sa local online shopping platforms.
Kalabot niini, gipahimangnoan karon sa Philippine Drug Enforcement Agency (PDEA) ang publiko kabahin sa pagkaylap sa “Peyote” o ang Lophophora williamsii nga usa ka spineless cactus nga adunay mescaline nga usa ka delikado nga hallucinogenic substance.
Ang Mescaline giklasipikar nga usa ka delikado nga droga ubos sa Republic Act 9165 (Comprehensive Dangerous Drugs Act of 2002) ug gilista isip usa ka kontroladong substansiya ubos sa 1971 United Nations Single Convention on Psychotropic Substances.
Kini nga drugas ug magamit sa usa ka tawo mahimong siyang makasinati ug grabe nga pagsuka, labad sa ulo ug pagkaluya sa kaunuran. Sagad kini nga mabutang sa gelatin capsules o aso nga adunay cannabis o tabako.
Subay niini, gi-awhag sa mga otoridad ang publiko nga ireport dayon ang bisan unsang makita nga kadudahang pagbaligya sa maong makamatay nga tanum aron nga daling maaksyonan.
Photo Courtesy to: NZ Drug Foundation
