Gipasalig ni Presidente Ferdinand Marcos Jr. nga anaa sa maayong kahimtang ang iyang mental well-being bisan pa sa kabug-at sa responsibilidad nga dala sa pagkapangulo.
Matod sa Presidente, nakatabang ang iyang dugay nga pag-obserba sa iyang amahan, si kanhi Presidente Ferdinand Marcos Sr., aron masabtan ang sakripisyo nga kalambigit sa posisyon.
Gipadayag sa Presidente nga importante ang pagpahuway, bisan pila lang ka oras, aron magpabilin nga klaro ug epektibo ang panghunahuna. Kasagaran niyang buhaton ang pag-ehersisyo isip pamaagi sa stress relief.
Gibutyag usab sa Presidente nga dili siya mataranta kung adunay dako nga problema nga atubangon.
Gipasiugda ni Presidente Marcos nga ang nagpadayon niyang motibasyon sa iyang pagpang gobyerno ang tinguha nga makaserbisyo, ug dili personal nga interes.
Bisan tuod miangkon siya nga sa batan-on pa siya, dili siya gusto nga mosulod sa politika tungod sa kalisud nga iyang nasaksihan sa kinabuhi sa iyang mga ginikanan, sa kadugayan iyang gidawat ang dalan sa pag-alagad sa publiko.
Photo courtesy: Bongbong Marcos/Facebook
