Gipaniguro sa Malacañang ngadto sa publiko nga walay special treatment sa kaso batok kang Charlie “Atong” Ang negosyante nga nag-atubang ug daghang kaso maykalabutan sa mga missing sabungeros.
Matod pa ni Palace Press Officer Claire Castro nga gusto sa Presidente nga mupasaka ug kaso nga nahiuyon sa ebidensiya. Gani, dili usab gusto sa Presidente nga paspasan ang imbestigasyon nga walay igong ebidensiya.
Kalabot niini, nakakaplag ang Department of Justice (DOJ) ug prima facie nga ebidensiya nga adunay kasigurohan sa konbiksyon aron kasuhan si Ang sa 10 ka ihap sa kidnapping with homicide ug 16 ka ihap sa kidnapping nga adunay serious illegal detention tungod sa pagkawala sa mga sabungero.
Subay niini, laing 21 usab ka mga respondents ang nag-atubang sa 10 ka ihap sa kasong kidnapping with homicide, samtang adunay mga pulis nga gipasakahan ug 16 ka ihap sa kasong kidnapping with serious illegal detention.
Matod pa usab ni Castro nga walay special treatment ngadto kang Ang ug ang kaso niini anaa na sa mga kamot sa korte.
Photo Courtesy to:Philippine News Agency
