Gidawat sa mga Barangay Nutrition Scholars (BNS) sa tibuok probinsya ang ilang Php6,000 honorarium alang sa ikaduhang semestre sa Provincial BNS Assembly nga gihimo sa Provincial Nutrition Committee ug City/Municipal Nutrition Action Officers.
Matod ni Provincial Nutrition Office Chief Milonoza N. Serra, 314 ka BNS ang nitambong sa Provincial Assembly sa Tandag City, diin ang matag scholar nakadawat usab og 5 kilos nga bugas gikan sa provincial government.
Gidugang usab ni Governor Johnny Pimentel ang dugang suporta pinaagi sa raffle prizes, nga naglakip sa 40 ka sako nga bugas (25 kg kada usa) ug 60 packs nga canned goods (8 ka lata kada pack). Ang maong incentives nagtinguha sa pag-ila sa importante nga papel sa BNS sa paghatag og community-based nutrition services ug sa pagsuporta sa pakigbatok sa malnutrition sa probinsya.
Gipasalamatan sa Provincial Nutrition Office ang mga BNS sa ilang padayon nga dedikasyon sa pagtabang sa mga pamilya ug kabataan sa ilang mga barangay.
Photo courtesy: PIA- SURIGAO SUR
