Gibutyag ni Gobernador Johnny Pimentel nga tulo sa mga munisipyo sa Surigao del Sur ang insurgency-free, nga naglakip sa Carrascal, Cantilan, ug Madrid.
Gikalipay sa maong opisyal ang maong deklarasyon tungod kay sa dili madugay, mahimo nang insurgency-free ang tibuok lalawigan.
Nasayran nga nakuha ni Gobernador Pimentel ang impormasyon human siya mitambong sa Regional Peace Council meeting sa dakbayan sa Cavite, kauban si DILG Secretary Jonvic Remulla.
Giingon ni Gov. Johnny Pimentel nga gilauman nga sa dali nga panahon, ang probinsya hingpit nang luwas alang sa tanan. Sanglit, gilauman usab nga musulod ang mga negosyante sa lalawigan aron magnegosyo, hatagan ug kalinaw ang lugar, ug molambo ang ekonomiya sa Surigao del Sur.
Sa katapusan, gi-awhag sa gobernador ang tanan nga sektor sa komunidad, gikan sa lokal nga gobyerno hangtod sa mga residente, sa pagpadayon sa kolaborasyon aron mapalig-on ang kalinaw ug seguridad sa probinsya.
Giila usab niya ang kontribusyon sa mga security forces, barangay officials, ug mga civil society organizations sa pagtabang nga maangkon ang maong milestone. Ang pagpadayon sa kalinaw dili lamang maghatag ug seguridad, apan usa usab ka pundasyon alang sa lig-on ug malambuong ekonomiya sa Surigao del Sur.
Photo Courtesy to: Philippine News Agency
