Nagpahigayon ug Fire Truck Visibility Patrols sulod sa mga importanteng lugar sa munisipyo sa Tarragona, Davao Otiental ang mga personahe sa Bureau Fire Protection Tarragona sa pagpanguna ni FSINSP CYRUS B. MEDINA, MSCJ- Municipal Fire Marshal niadtong nakalabay nga adlaw.
Ang kalihokan subay sa Oplan Iwas Paputok 2025, diin kini nagtumong sa pagpahinumdom sa publiko sa padayon nga presensiya ug kaandam sa BFP, ilabina nga nagsingabot na ang kapaskuhan ug bag-ong tuig.
Kalabot niini, ang mga personahe nag apod-apod usab sa mga materyales sa fire safety IEC aron mapalig-on ang kahibalo sa komunidad sa luwas nga pagdumala sa mga kalihokan sa holiday ug aron malikayan ang mga insidente nga may kalabutan sa pabuto.
Gi-awhag usab sa BFP ang katawhan nga magsaulog nga luwas ug responsible ingon man magtinabangay aron nga mapadayon nga luwas ug wala’y sunog o kadaot nga mahitabo panahon sa holiday season.
