Nahimong unang nasod ang Australia sa kalibutan nga nagpahamtang og pagdili sa paggamit sa social media alang sa mga kabatan-onan nga wala pa’y 16-anyos.
Gipadayag ni Prime Minister Anthony Albanese nga ang maong lakang nagtinguha sa paghatag og mas luwas nga pagsugod sa online world alang sa mga bata.
Sugod kagahapong adlawa, ang mga dagkong social media platforms giobligar nga magpatuman og lig-on nga age verification systems. Ang mga kompanyang mosupak sa bag-ong balaod posible nga pamultahon hangtod $50 milyon.
Tumong sa regulasyon ang pagpanalipod sa mental health sa kabatan-onan batok sa cyberbullying, online exploitation, ug pagkaadik sa social media.
Daghang ginikanan ang mipadayag og suporta tungod nakahatag kini og kahupayan sa ilang kabalaka sa seguridad sa ilang mga anak online.
Sa usa ka mensahe, nagpadayag si Albanese nga kini usa ka makasaysayang lakang nga mahimong modelo sa ubang nasod sa digital age.
Photo Courtesy to: Business Standard
