Giampo si Pope Leo XIV ang mga biktima sa baha sa Southeast ug South Asia nga hinungdan sa dagkong ulan sa miaging semana. Ang serye sa tropical storms ug monsoon rains nagdala og landslide ug flash floods gikan sa rainforest sa western Sumatra, Indonesia, hangtod sa highland plantations sa Sri Lanka.
Sa iyang post sa social media, giingon sa Papa nga nag-uban siya sa mga tawo nga grabe ang pagsulay tungod sa kalamidad ug nag-awhag sa tanan nga mag-ampo alang sa mga biktima ug sa mga nagtabang kanila.
Gipahimangnoan usab niya ang internasyonal nga komunidad ug tanang tawo nga adunay maayong kasingkasing sa pagtabang ug pakig-ambit sa mga nasakitan.
Tungod sa climate change, mas delikado ug dili na regular ang panahon, hinungdan sa pagtaas sa baha ug landslide. Sa Pilipinas, Indonesia ug Sri Lanka, naguba ang mga infrastruktura, naguba ang liboan ka mga panimalay, ug daghang tawo ang naapektuhan.
Gipasalig sa Papa nga padayon ang panawagan sa tabang ug suporta aron mabalik sa normal ang kinabuhi sa mga komunidad nga apektado sa pagbaha.
Photo Courtesy to: Detroit Catholic
