Naguol karon ang daghang kabatan-onan sa Australia tungod sa social media ban nga ipatuman na sugod Disyembre 10, diin kapin usa ka milyon ka accounts sa mga menor de edad ang awtomatikong i-deactivate sa dagkong social media platforms.
Tumong sa gobyerno nga maprotektahan ang mental wellbeing sa mga batan-on, apan daghan ang nahadlok nga lagmit mas makadaot kaysa makatabang ang maong lakang.
Alang sa mga kabatan-onan, ang social media usa ka safe space ug paagi sa pagpangita og komunidad, ilabina sa LGBTQIA+ youth. Daghan usab kanila ang misulti nga kini ang ilang “lifeline” batok sa bullying ug homophobia.
Base sa 2025 Headspace National Youth Mental Health Survey, 37% sa kabatan-onan ang nabalaka nga ma-isolate, samtang 35% ang nahadlok na magpabilin luyo sa social trends.
Matod ni Nicola Palfrey sa Headspace, kinahanglan gihapon og alternatibong paagi aron makakonekta ang kabatan-onan offline.
Nagdugang pa ang kabalaka tungod ang implementasyon mahitabo sa six-week summer break, panahong gamay ang personal nga interaksyon sa mga batan-on.
Bisan pa man adunay uban nga makasugakod sa bag-ong patakaran, daghan gihapon ang posibleng maapektuhan ang ilang mental health tungod sa pag-limit sa access ug ang bahad sa completo nga social media ban sa tibuok nasud.
Photo Courtesy to:Tyla
