Dead on the Spot ang drayber sa Motor human kini aksidenteng nagsungag sa laing motorsiklo, Kagahapon, Disyembre 9, 2025, mga alas 12:10 sa kaadlawon, sa National highway sa Sitio Tumanday, Barangay Rizal, Surigao City.
Sa impormasyon sa Surigao City Component Police Station, nasayran nga nalambigit sa sakyanan: Usa ka yunit nga black/red Honda Beat motorcycle nga adunay plate number 838ZQY, gidrayban ni Ruby Pedralba Ederio (deceased), 49 anyos, minyo, government employee, residente sa Purok Rosal, Upper Dacuman, Barangay Rizal, Surigao City.
Usa ka yunit nga blue Rusi motorcycle nga adunay plate number 183ZRL, walay LTO Official Receipt ug Certificate of Registration.
Samtang ang drayber mao si Anthony Ronda Jacquez, 23 anyos, lalaki, houseboy, residente sa Kaskag Village, Barangay Washington, Surigao City, back rider nga 15 anyos, lalaki. gikadudahang nakainom kini.
Base sa inisyal nga imbestigasyon, ang motor gimaniho ni Ederio padulong sa Barangay Ipil, samtang ang ang Rusi nga gimaniho ni Jacquez kusog ang dagan sa pikas opposite direction.
Pag-abot nila sa lugar nahitaboan misimang ngadto sa pikas lane si Ederio, hinungdan nagsungag kini. Tungod sa kusog nga impact, ang duha ka motorsiklo nalagpot sa kalsada.
Gideklarar nga patay diha-diha dayon si Ederio nga gisulayan pa pag-rescue sa City Quick Response Team. Samtang padayon pa nga gipanubayan sa kapulisan ang maong aksidente.
