Nagviral sa social media ang usa ka dishwasher sa China human makuhai sa video nga misulod sa trabaho sakay sa usa ka itom nga Bentley. Ang babaye nga taga-Chengdu, Sichuan, nakita sa footage nga nagsul-ob ug apron ug rubber boots samtang gisundo sa usa ka hotel gamit ang luxury car.
Sumala sa taho, miabot na og halos 9 milyones ka views ang video, ug giingon nga adlaw-adlaw siyang gisundo ug ginahatod sa iyang anak. Tantiya nga naa sa iyang early 60s, malinawon ug nagngisi ang babaye samtang mibaklay gikan sa sakyanan.
Gipasabot sa babaye nga dili tungod sa kawad-on sa kwarta ang iyang pagtrabaho, apan tungod kay gamay ra ang iyang mabuhat sa balay ug gusto niyang mapuno ang iyang oras. Bisan pa man ug adunahan sila, mas gipili niya ang pag-dishwashing aron malikayan ang pagkaboring ug mapadayon ang pagkaaktibo sa lawas.
Photo Courtesy to: Josh Rincon
