Gi-anunsyo sa opisyal sa gobyerno sa 6 ka mga sundalo ang namatay ug upat usab ang naangol human nga gisulong sa mga militanteng Taliban sa Pakistan ang usa ka checkpoint sa seguridad sa amihanang-kasadpang utlanan sa Pakistan ug Afghanistan.
Ang pag-atake nahitabo niadtong Lunes, Disyembre 8, diin kapin sa usa ka dosena nga mga armadong lalaki ang miatake sa checkpoint nga miresulta sa usa ka bug-at nga pagbinayloay ug bala sa Kurram nga usa ka distrito sa tribo sa lalawigan sa Khyber Pakhtunkhwa.
Gikataho sa ilang gisulayan sa pag-atake mga utlanan nga rehiyon niini aron mabawi human nga nakuha sa mga awtoridad sa Taliban ang control sa Kabul niadtong 2021.
Kahibaloan nga giakusahan sa Pakistan ang mga awtoridad sa Taliban sa Afghanistan nga gitagoan niini ang mga militante sa TTP ug gitugotan sila nga maglusad ug mga pag-atake sa cross-border ug kini nga sumbong gipanghimakak sa Kabul.
Kahinumdoman nga ang utlanan tali sa duha ka mga nasud gisirad-an na sukad sa mga panag-atake niadtong Oktubre. Gani, bisan pa man nga gibutyag sa Pakistan niadtong miaging semana nga tugutan ang mga suplay sa tabang sa UN nga mapasa ngdto sa Afghanistan sa dili madugay.
Sumala sa Afghanistan nga upat ka sibilyan ug usa ka sundalo ang namatay sa pag-atake una paman nahuman ang pagbinayloay ug bala sa usa ka utlanan sa lugar.
Photo Courtesy to: AL Arabiya
