Gidayeg sa Department of Finance (DOF) ang pag-ubos sa inflation ngadto sa 1.5 porsyento sa Nobyembre isip pamatuod sa epektibo nga mga lakang sa administrasyong Marcos aron mapalig-on ang presyo sa pagkaon.
Sumala sa DOF, ang inflation rate miubos ubos sa target range sa Bangko Sentral ng Pilipinas (BSP) nga 2–4 porsyento tungod sa “targeted government measures” nga nakatabang sa pagpakunhod sa gasto sa mga importanteng palaliton.
Si Finance Secretary Frederick Go miingon nga ang pag-ubos nagpakita nga ang mga interbensyon sa gobyerno epektibo ug misaad nga ipadayon ang pagpatuman sa mga palisiya aron masiguro nga ang pagkaon ug uban pang mga batakang palaliton magpabiling barato alang sa mga pamilyang Pilipino.
Ang datos gikan sa Philippine Statistics Authority (PSA) nagpakita nga ang pag-ubos gikan sa 1.7 porsyento sa Oktubre nonot sa mas ubos nga presyo sa pagkaon ug mga ilimnon nga dili alkoholiko, nga miubos og 0.3 porsyento.
Gipasiugda usab sa DOF ang pag-ubos sa presyo sa bugas, karon sa P44.19 matag kilo, gikan sa P52.59 matag kilo sa miaging tuig.
Sa sayo pa, gipirmahan ni Presidente Marcos ang Executive Order No. 105, nga nagpalugway sa 15 porsyento nga taripa sa imported nga bugas hangtod sa katapusan sa tuig aron matabangan ang pagpalig-on sa mga presyo sa nasud. Sugod sa sunod tuig, ang EO 105 mopatuman sa awtomatikong pag-adjust sa mga taripa sa bugas base sa internasyonal nga presyo sa merkado, nga gimonitor sa Inter-Agency Group on Rice Tariff Adjustment, nga naglakip sa DOF.
via: PIA
