Mokabat sa 28 ka mga responder gikan sa Bukidnon ang nakakompleto sa 10 ka adlaw nga Collapsed Structure Search and Rescue (CSSR) Course, nga gipahigayon sa 4DTS, 403rd Brigade, Philippine Army sa Malaybalay City. Ang pagbansay, nga nagdani sa mga instruktor gikan sa Visayas ug Luzon, nagtumong sa pagpalig-on sa mga kapabilidad sa pagtubag sa kalamidad sa probinsya.
Atol sa culmination program, si Officer-in-Charge Col. Gilbert H. Conde (Retirado) sa Civil Defense Service, Office of Civil Defense, nagpasalamat kang Gobernador Rogelio Neil Oneil Roque ug sa gobyerno sa probinsya sa Bukidnon sa paghatag sa gikinahanglan nga suporta, resources, ug pondo aron mapahigayon ang dugay nang giplano nga pagbansay.
Ang pagbansay dili lamang mapuslanon alang sa Bukidnon, apan alang usab sa mga rehiyonal ug nasyonal nga mga response team, matud ni Col. Conde, nga nagpasiugda nga ang programa nagsangkap sa mga responder sa mga kahanas nga gikinahanglan aron epektibong maka-react sa mga insidente sa pagkahugno sa istruktura.
Sa maong adlaw, gipakita sa 28 ka Bukidnon responders ang ilang nakat-onan sulod sa siyam (9) ka adlaw, pinaagi sa final practical exercise diha sa gihatag nga scenario gikan sa pag-organisa sa team; incorporation of safety briefing ug pagkuha sa tools, equipment, and accessories nga gamiton sa pagrespondi; actual simulation sa pagtudlo kung aha ang nahimutangan sa mga biktima; ug ang pagsulod sa nagkalain-laing surface – sama sa concrete, tin and woods, bricks, blocks, ug uban pang mga babag nga ilang matagbuan samtang gipahigayon ang actual application of learnings.
Ang pagkompleto maong training nagpakita sa pasalig sa Bukidnon sa pagpalambo sa kaluwasan sa komunidad ug pagpangandam sa katalagman, pagsiguro nga ang lokal ug rehiyonal nga mga response team andam nga molihok kung adunay mga emerhensya.
via: LGU BUKIDNON
