Opisyal nga nangayo og dugang oras sa Department of Justice (DOJ) ang kanhi senador nga si Ramon “Bong” Revilla Jr. aron motubag sa kriminal nga kaso nga gisang-at batok kaniya, may kalabutan sa anomalous flood control projects sa Bulacan.
Gipahibalo ni Prosecutor General Richard Anthony Fadullon nga apil si Revilla ug ang kanhi kongresista nga si Zaldy Co sa mga reklamo isip “proponents” sa maong proyekto. Giingon niya nga adunay request for extension aron makafile sa counter-affidavit, ug maghulat ang panel sa resulta sa preliminary investigation.
Sa sinugdanan, ang kaso kontra lang sa mga opisyal sa DPWH, apan pagkahuman, adunay ebidensya gikan sa NBI nga naglakip na usab kang Revilla ug uban pang proponents.
Gisulti sa DOJ nga si Revilla ug Co giapil na isip dugang respondents sa kaso sa SYMS Construction ug sa mga reklamo sa NBI bahin sa ghost projects sa Wawao ug Topnotch Builders. Giingon usab nga ang kaso sa Wawao ug Topnotch nagpadayon pa sa initial evaluation. Gilauman ni Fadullon nga ang resolusyon sa tulo ka kaso mogawas sa wala pa ang Disyembre 15.
Photo Courtesy to: Manila Bulletin
