Namugos nga ilubong nga buhi ang usa ka pastor sa Zambia aron pamatud-an ang iyang gituohan nga mabuhi o mabanhaw pagkahuman sa tulo ka adlaw, apan sa katapusan, namatay siya sulod sa lubnganan.
Nailhan ang pastor nga si James Sakara, 22 anyos, miyembro sa Kristiyanong simbahan sa Chidiza. Matod sa iyang mga sumusunod, gusto ni Pastor James ipakita nga ang pagkabanhaw tinuod sama ni Kristo nga namatay ug nabanhaw sa ikatulong adlaw. Sa dihang buhi pa siya, miingon siya nga “Akong pamatud-an ang milagro sa ikaduhang pagkabanhaw human sa pagkabanhaw ni Kristo.”
Misulay ang iyang mga sumusunod sa pagpagong kaniya, apan namugos siya sa iyang plano. Wala silay laing mahimo gawas sa paggapos kaniya ug paglubong kaniya nga buhi. Sa tulo ka adlaw nga ilang paghulat, ang mga sumusunod nagkanta ug mga himno ug lain-laing mga awit samtang nagpaabot sa milagro.
Paglabay sa ikatulong adlaw, wala na siya mabuhi, ug sa dihang giablihan ang lubnganan, nakit-an sa mga sumusunod nga patay na si Pastor James.
Dali nga mihimo og imbestigasyon ang kapulisan aron masuta kinsa sa mga miyembro sa simbahan ang naglubong sa pastor samtang buhi pa kini, ingon man ang posibleng paglapas sa balaod nga nahitabo.
via: PAMMY REYES
Photo Courtesy to: Reddit
