Gipasidunggan sa Gilas Pilipinas si Japeth Aguilar human siya nagpahibalo sa iyang desisyon nga magretiro sa national basketball team. Ang 38-anyos nga si Aguilar mao na lang ang nahabilin nga miyembro sa orihinal nga Smart Gilas Pilipinas.
Human sa kadaugan sa Gilas batok sa Guam sa unang window sa FIBA World Cup Asian Qualifiers, gipresentar sa mga opisyal sa Samahang Basketball ng Pilipinas ang framed uniform ni Aguilar isip pagpasalamat sa iyang kontribusyon sa team.
Ang duwa ni Aguilar sa Ateneo Blue Eagle Gym gikonsiderar usab nga “homecoming,” tungod kay nakaduwa siya didto sulod sa duha ka season sa kolehiyo. Si Aguilar nahimong miyembro sa Gilas Pilipinas sukad niadtong 2009, ug nakahatag og daghang hinungdanong kontribusyon sa team sa daghang tuig.
Sa duwa batok sa Guam, napakita sa Gilas ang ilang dominasyon gikan pa sa first quarter, diin wala nila gitugot nga makapuntos og dako ang world number 81 nga team. Sa pagsulod sa second half, nisaka ang performance sa Guam ug nius-os ang labaw sa Gilas sa gamay, apan napadayon gihapon sa Pilipinas ang ilang control sa dula.
Sa pagkakaron, ang Gilas Pilipinas adunay 2-0 nga record sa Group A, samtang ang Australia usab nagtabla sa 2-0 win-loss record. Ang sunod nilang duwa batok sa Australia ipahigayon karong Marso 1 sa Pilipinas.
via: PROBALLERS
