Naglaom ang Philippine Sports Commission (PSC) nga malabwan sa Pilipinas ang nahakot nila nga medalya niadtong 2023 Southeast Asian Games sa Cambodia.
Sa gihimong send-off ceremony sa 1,600 nga Philippine team nga mosalmot sa SEA Games sa Bangkok, Thailand gibutyag ni PSC chair Patrick Gregorio nga adunay katakos ang magdudula sa nasud nga malabwan pa ang miaging mga medalya nga naangkon.
Sa nangaging Cambodia SEA Games nakakuha ang Pilipinas ug 58 ka gold , 86 silver ug 116 ka bronze medals.
Gibutyag ni Gregorio nga adunay 6,000 pesos nga dugang allowance sa tanang mga atleta ug coaches nga moadto sa Thailand ug adunay Php18,000 na Christmas bonus.
Ang nasangpit nga kantidad wala pay labot sa Php26,000 nga ilang madawat isip SEA Games stipend.
Photo courtesy to: PSC
