Nagmugna ug mga lakang ang probinsya sa Lanao del Norte aron mahimong mas inclusive ug welcoming nga destinasyon alang sa Muslim travelers pinaagi sa Muslim-Friendly Tourism Orientation nga gihimo niadtong nakalabay nga adlaw.
Nagtagbo atol sa maong kalihukan ang mga stakeholders, local government units , LDN Tourism Officers, ug mga representante gikan sa Lanao del Norte Hotel, Resort & Restaurant Association kun (LANHORRA), ug Misamis Occidental aron mapalambo ang cultural understanding ug ipasigarbo ang diversity.
Gipasiugda sa Sangguniang Panlalawigan Member ug Committee Chair on Tourism, Board Member Djam Macarambon, ang kamahinungdanon sa paghimo ug komportableng environment alang sa Muslim visitors.
Gipasiugda usab sa Department of Tourism-Halal Tourism and Muslim Concerns Undersecretary Myra Paz Abubakar ang potensyal sa Muslim-friendly tourism aron mausab ang panan-aw kabahin sa Mindanao.
Gihisgutan niya nga bisan pa sa dugay nga stigma kalabot sa safety, ang mga inisyatibo sama niini makatabang sa pagdani sa mas daghang bisita.
Samtang sa umaabot, ang probinsya nagtinguha nga ipadayon ang pag-develop sa Muslim-friendly tourism programs nga dili lang makapataas sa visitor arrivals apan usab makapalig-on sa cultural understanding ug inclusivity, aron masiguro nga ang matag traveler mobati nga welcome ug valued sa Lanao del Norte.
Photo courtesy to: Province of Lanao del Norte
