Dakong lakang padulong sa malungtarong kalinaw ug reintegrasyon, trayntay dos (32) ka kanhing rebelde ang boluntaryong mi-turnover sa kinatibuk-an nga kwarenta y tres (43) ka mga armas ngadto sa Bukidnon Enhanced Comprehensive Local Integration Program (ECLIP) Committee atol sa usa ka seremonyal nga kalihokan nga gipahigayon sa Bukidnon Police Provincial Office, Camp Captain Ramon M. Onahon kagahapon nobyembre 26, 2025.
Ang seremonyas sa pag-turnover nagpakita sa hiniusa nga pagsurender sa mga armas gikan sa daghang mga yunit sa militar. Ang 8th Infantry Battalion (8IB) mi-turnover sa 11 ka mga armas gikan sa lima ka kanhing rebelde, samtang ang 89th Infantry Battalion (89IB) mi-turnover sa 11 ka mga armas gikan sa napulo ka kanhing rebelde. Ang 1st Special Forces (1SF) nitampo og pito ka armas gikan sa upat ka kanhing rebelde, ug ang 1003rd Regional Mobile Force Battalion (RMFB) ang nagdumala sa pag-turnover sa 15 ka armas gikan sa trese ka kanhing rebelde.
Kining kolektibong buhat nagpakita sa nagkadako nga kalampusan sa mga inisyatibo sa pagtukod og kalinaw ug reintegrasyon sa Bukidnon. Ang gisurender nga mga armas nagsimbolo sa pasalig sa kanhing mga rebelde sa pagbiya sa armadong pakigbisog ug pagdawat sa usa ka malinawon ug legal nga kinabuhi.
Gipasiugda sa mga kauban sa gobyerno ang ilang padayon nga dedikasyon sa pagsuporta sa reintegrasyon sa kanhing mga rebelde pinaagi sa mga koordinadong programa ug padayon nga pakiglambigit. Kini nga mga paningkamot nagsiguro nga ang mga indibidwal nga mopili sa kalinaw mahatagan og mga oportunidad sa pagtukod pag-usab sa ilang kinabuhi ug positibo nga makatampo sa ilang mga komunidad.
via: DILG BUKIDNON
