Gipahibalo sa disaster management department nga mokabat na sa 90 ka mga inbidwal ang gikatahong namatay samtang 12 ang missing sa nahitabong kusog nga pagbaha nga miguba sa sentro sa Vietnam niadtong miaging semana.
Sumala sa Department of Dyke Management ug Natural Disaster Prevention nga ang sentro sa Vietnam ug sa Central Highlands ang labing naapektohan sa maong pagbaha diin mokabat sa kapin USD341 milyon pesos ang natalang damyos sa ekonomiya. Dugang pa nga mokabat sa 3.24 milyones ka kahayupan ug manok ang nangamatay o naanod sa maong insidente.
Ang lugar sa Dak Lak nakatala sa pinakataas nga ihap sa namatay nga adunay 63, samtang 14 usab sa baybayon sa Nha Trang, lima sa Lam Dong, tulo sa Gia Lai, duha sa Hue ug Da Nang ug usa sa Quang Tri.
Niabot usab sa 1,154 ka mga panimalay ang naguba tungod sa pagbaha ug nabalda ang mga transportasyon sa tibuok rehiyon. Mokabat sa 1.2 milyon nga mga panimalay ang naapektuhan sa pagwala sa kuryente nga nagresulta sa mga dagkong mobile ug internet outages.
Gipakatap na usab sa mga lugar ang mga militar ug mga responder aron sa pagpahigayon ug search ang retrieval operation sa mga namissing. Samtang gi-awhag sa Punong Ministro sa Vietnam nga si Pham Minh Chinh ang pagpadali sa operasyon ug mas lig-on nga aksyon aron matubag ang grabe nga pagbaha.
Migahin na usab ang gobyerno sa Vietnam ug tabang nga nagkantidad ug 700 bilyon nga Vietnamase Dong (USD26.6 milyon) aron suportahan ang search and retrieval operation sa lugar.
Photo Courtesy to: Earth watch ph Digital
