Paslak na sa prisohan ang usa ka bank messenger human kini nasikop sa mga otoridad sa dihang nasayran nga iyang giikyas ug gisugal ang kapin Katunga sa kwarta nga ideposito unta sa bangko.
Base sa report sa Southern Police District (SPD) ang suspetsado giila nga si alyas Jessie nga residente sa Caloocan City ug giingong nangawat ug Php1,000,000.00 nga gipiyal kaniya alang sa pagdeposito sa Makati.
Matod sa reklamo sa manager sa bangko nga si Melanie, iyang gihatag ang tibuok kwarta ngadto sa suspek aron ideposito sa iyang account, apan sa pipila ka adlaw dili na makontak ang suspetsado.
Sa dihang nakontak na, gitug-an niini nga iyang gibutang sa iyang account ang Php650,000 ug gigamit pangsugal sa online card games. Kalabot niini, iya ra sab giuli ang nahabiling Php400,000.
Sa karon gikustodiya na sa Southern Police District ang dinakpan ug mag-atubang sa kasong Qualified Theft.
Photo Courtesy to:Southern Police District
