Niulbo ang sunog sa COP30 climate summit sa Belem, Brazil, nga nagpugos sa pagpa-evacuate sa mga delegado samtang naningkamot sila nga makamugna og kasabutan sa pangkalibutang aksyon sa klima.
Trese (13) ka tawo ang giatiman tungod sa pagkahanggab og aso. Ang sunog, nga posibleng gikan sa depektibo nga mga kagamitan sa kuryente, napalong sulod sa unom (6) ka minutos.
Gihisgutan ni UN Secretary-General Antonio Guterres ang kamahinungdanon sa dinaliang kasabutan, ilabi na sa pagkunhod sa paggamit sa fossil fuels ug paghatag og pondo sa mga nasud nga vulnerable sa klima.
Wala na masakmit sa summit ang kaugalingon niining deadline, ug nagpabilin ang panagbangi sa roadmap sa fossil fuel transition ug mga saad sa climate finance.
Adunay pagkabahinbahin ang mga delegado: ang mas adunahan nga mga nasud ug mga prodyuser sa fossil fuel nagpakita og pagsupak sa mga saad sa pagkunhod sa fossil fuels, samtang ang mga developing nations nangayo og mas daghang pondo alang sa adaptasyon.
Nagpakita og optimismo si Guterres, matod niya, posible nga makakita og kompromiso, bisan pa man wala na’y 48 ka oras sa dili pa matapos ang summit.
Photo courtesy: Inquirer/ AP
