Gisuspetsahan sa mga awtoridad ang makahilong kemikal human nga adunay usa ka magpamilyang German-Turkish sa Istanbul Turkey ang namatay sa usa ka hotel niadtong miaging semana.
Kini human nasayran base sa report nga pinaagi sa paghimo ug mga sample nga gikuha gikan sa lawas sa mga biktima particularmente na sa inahan ug sa duha ka mga bata kinsa namatay niadtong Nobyembre 13 ug 14. Namatay usab ang amahan niadtong Nobyembre 17.
Nasuta nga kini tungod sa phosphine-producing pesticide, rason nga daghan ang nahitabong susama nga mga insidente sa Turkey ingon man sa tibuok kalibutan.
Samtang unang gisuspetsahan nga namatay ang mga biktima tungod matod pa sa pagkahilo sa pagkaon diin sila nangaon og street foods sa distrito sa Ortakoy, Istanbul.
Tungod niini, daghang mga tigbaligya ang naapektuhan o mga lokal nga tighatag ug pagkaon diin sila gibisita sa mga biktima. Hinuon, ang pagkahilo sa pagkaon sa mga biktima wala gikonsiderar nga hinungdan sa ilang kamatayon.
Photo courtesy to: DW
