Andam motabang ang Philippine National Police (PNP) sa pagpasaka og kaso batok sa mga indibidwal nga nagpakatap og sayop nga impormasyon mahitungod sa whistleblower nga si Orly Guteza.
Matod sa PNP nga nagpaabot na lang sila sa pormal nga pakigkoordinar sa Armed Forces of the Philippines aron nga masugdan ang proseso.
Kahinumdoman nga nipahayag ang Philippine Navy nga anaa ubos sa kustodiya sa Philippine Marine Corps si Guteza kinsa nagpaila nga tighatod sa salapi ngadto nila ni kanhi Cong. Zaldy Co ug kanhi House Speaker Martin Romualdez.
Giklaro sab sa AFP nga retirado na si Guteza sukad pa niadtong tuig 2020 ug wala na kini sa administrative authority sa PMC. Nunot niini, makigkoordinar ang AFP ngadto sa PNP aron sa pagpasaka og reklamo batok sa mga nagpaluyo sa sayop nga impormasyon.
Samtang segon sa PNP Public Information Office chief PBGen. Randulf Tuano nga andam na kini sila nga mohatag og unsa man ang kinahanglanon nga tabang tungod kabahin kini sa kamanduan.
Photo courtesy to: Orly Guteza
