Gibutyag sa Department of Agriculture (DA) niadtong Miyerkules gumikan sa sunod-sunod nga pag-atake sa bagyong Tino ug Uwan nagbilin kini og gatusan ka milyon ka pesos nga kadaot sa agrikultura.
Matod ni DA Deputy Spokesperson Joycel Panlilio nga si Tino nagbilin og Php159.14 milyones nga kantidad sa kadaot sa agrikultura niadtong Nobyembre 8, samtang Php142.29-million nga kadaot sa agrikultura alang kang Uwan ang natala niadtong Martes.
Diin saysay niini nga alang sa duha ka bagyong Tino ug Uwan, ang labing pinakadako nga kadaot mao ang humayan. Dugang pa niini nga base sa datus niadtong nakalabayng adlaw ang labing apektado nga probinsya sa Tino mao ang Iloilo ug Negros Occidental.
Alang sa Bagyong Uwan, mao ang Camarines Sur. Diin ang Department of Budget and Management nipagawas og Php1 bilyon nga quick response fund alang sa crop ug livestock input, cash aid o ekipo, ug pag-ayo sa naguba nga mga agricultural facilities.
Giawhag usab ni Panlilio ang mga apektadong mag-uuma ug mangingisda nga moadto sa ilang lokal nga buhatan sa agrikultura alang sa tabang gikan sa ahensya.
Gibutyag usab niini nga ang gihatag sa Departamento sa Agrikultura mao ang mga input sa uma alang sa mga nadaot nga humay, mais, ug mga utanon o uban pang mga high value crops sama sa prutas; ug adunay mga feed sa hayop ug suplemento nga giapod-apod alang sa sektor sa kahayupan ug sa mga mag-uuma.
Ang mga apektadong mag-uuma mahimo usab nga maka avail sa survival ug recovery loan program ug mahimong mag-file ug claims sa Philippine Crop Insurance Corporation.
Dugang pa sa opisyal kinahanglan nga magparehistro sila sa gitawag nga Registry System for Basic Sector in Agriculture o RSBSA; ug kinahanglan nga mga gagmay nga mag-uuma o mangingisda nga apektado sa kalamidad.
Ang mga rehiyonal nga field offices usab adunay listahan sa mga eligible nga borrower, mao nga kinahanglan sila nga i-endorso.
Photo Courtesy to: Slideshare
