Boluntaryong misurender sa Ipil Municipal Police Station ang usa sa nalambigit sa nahitabong pagpamusil sulod sa Bureau of Internal Revenue (BIR) nga gikamatay sa duha ka Security guards niadtong Nobyembre 4,2025.
Naila ang nasampit nga indibidwal nga 19-anyos og residente sa Barangay Poblacion, Naga, Zamboanga Sibugay, kung asa miangkon iyang partisipasyon sa maong krimen.
Kuyog ang pamilya sa nasampit nga lalaki atol sa iyang pagsaysay nga anaa ang presensya sa iyang legal counsel og nanumpa atubangan sa Provincial Prosecutor sa Zamboanga Sibugay Prosecutors Office.
Kini nahimong malampuson pinaagi sa paningkamot og pagtinabangay sa ZSBPPO investigators, LGU, partner Agencies og komunidad.
Nagpadayon karon ang imbestigasyon sa mga kapulisan aron sa pag-ila og pagkasikop sa tanang nalambigit sa nahitabong insidente.
