Nagsaad ang National Grid Corporation of the Philippines (NGCP) nga ipadayon ang paspas nga pag-ayo sa mga transmission lines ug pasilidad nga nadaot sa mga bagyo.
Sumala sa NGCP, 16 ka transmission structures ang natumba, 12 niini ang nagtagilid, ug 26 ka ubang pasilidad ang naputol ang mga kable. Ang kadaot nakaapekto sa transmission service sa Mountain Province, samtang partial service lang ang naibalik sa Camarines Sur, Albay, Sorsogon, ug Quezon. Sa rehiyon sa Visayas, Northern Samar ang gitaho nga naapektuhan.
Wala pa’y eksaktong kantidad sa kadaot ang mahatag sa NGCP, apan gihatagan sila sa Department of Energy og 10 ka adlaw aron mabalik ang transmission lines sa tanang apektadong lugar.
Samtang nagpadayon ang restoration efforts, gi-anunsyo usab sa NGCP ang pagtaas sa transmission rates karong buwan. Ang Ancillary Service (AS) rates misaka og P0.0997/kWh kilowatt-hour, gikan sa P0.6546/kWh kilowatt-hour sa buwan sa Setyembre.
Ang NGCP naningkamot nga mabalik dayon ang serbisyo sa publiko samtang gipangandaman ang epekto sa pagtaas sa rates.
Photo Courtesy to:Philstar.com
