Hulog sa kamot sa operatiba, pinaagi sa hiniusang pwersa sa NBI-Caraga, NBI-North Eastern Mindanao, NBI-Bukidnon, Mines and Geosciences Bureau Region XIII, ug Military Intelligence Group 10, ang usa ka Chinese national nga nailhan nga si Yang Hua-ming ug walo ka Pinoy nga nalambigit sa illegal gold mining sa Sitio Mantigue, Barangay Poblacion 1, Santiago, Agusan del Norte.
Si Hua-ming giila nga team leader sa operasyon, samtang ang mga Pinoy nagserbisyo isip mga backhoe ug payloader operators, mekaniko, laborer, ug usa ka interpreter.
Nakompiska sa mga otoridad ang naghampoog nga mga mining equipment ug mineral products, lakip na ang duha ka excavators, duha ka payloader, usa ka dump truck, usa ka service vehicle, mga fuel containers, excavator buckets, ug mga generator sets.
Ang operasyon gisugdan base sa intelligence report nga gihatag sa MIG 10–USADP ngadto sa NBI-Caraga, nga nagresulta sa pagkasikop sa maong grupo.
Gipaniguro sa mga otoridad nga ipadayon ang imbestigasyon aron mapasaka ang hustong kaso batok sa mga suspek ug masumpo ang padayon nga iligal nga pagpangmina sa rehiyon.
Photo Courtesy to:NBI- CARAGA
