Giingon sa mga abogado ni Senador Ronald “Bato” dela Rosa nga walay legal nga basihanan ang gobyerno sa pagsurender kaniya sa International Criminal Court (ICC) gamit ang Section 17 sa Republic Act 9851.
Sa pahayag sa Torreon and Partners Law Office nga gipangulohan ni Atty. Israelito Torreon, ilang giingon nga dili awtomatikong magamit ang maong probisyon ug kinahanglan nga moagi kini sa hustisyal nga proseso sa extradition. Giingon sa grupo nga ang pag-turn over nga walay court order usa ka “unconstitutional” ug “baseless” nga lihok.
Gidugang pa sa mga abogado nga sukad sa pag-withdraw sa Pilipinas sa Rome Statute niadtong 2019, wala na’y obligasyon ang nasud sa ICC. Ilang giingon nga dili mahimong isalikway ang hurisdiksyon sa ICC ug unya isurender ang usa ka Pilipino niini.
SOURCE: THE MANILA TIMES
