Nagpahibalo ang Manila Electric Company (Meralco) nga adunay pagtaas sa power rate karong Nobyembre 2025 nga nagkantidad og PHP0.1520 kada kilowatt-hour (kWh), gikan sa PHP13.3182 niadtong Oktubre ngadto sa PHP13.4702/kWh karong bulana.
Ang pagtaas sa bayad resulta sa mas taas nga transmission rate ug Feed-In Tariff Allowance (FIT-All) nga ginapahamtang sa tanan nga on-grid customers ug ginahatod sa National Transmission Corporation (Transco) para sa renewable energy sources.
Sumala ni Joe Zaldarriaga, Meralco Vice President ug Head of Corporate Communications, ang mga konsumidor nga naggamit og 200 kWh matag bulan makadugang og PHP30 sa ilang bayranan, samtang 300 kWh nga konsumo makadugang og PHP46.
Bisan pa man, mikunhod ang generation charge tungod sa ubos nga presyo sa Power Supply Agreements (PSAs) ug Wholesale Electricity Spot Market (WESM).
Ang PSA rates mislup tungod sa ubos nga gasto sa fuel, samtang ang WESM prices mikunhod Apan, misaka ang bayad sa Independent Power Producers (IPPs) og PHP0.2481/kWh tungod sa kahuyang sa piso kontra dolyar.
Photo Courtesy to:Bilyonaryo
