Gipahigayon sa Office of the Provincial Fire Marshal ubos sa pagpangulo ni FSUPT Jacqueline S. Ortega, DSC, ang binuwang Rank Inspection alang sa tanang personahe sa Bureau of Fire Protection (BFP) sa Zamboanga Sibugay.
Ang maong kalihokan kabahin sa regular nga mga aktibidad sa BFP nga nagtumong sa pagmintinar sa disiplina, kaangayan sa panglihok, ug propesyonalismo sa matag bombero. Gipaniguro usab niini nga ang tanang personahe nagapadayon sa pagtuman sa mga sumbanan ug alituntunin sa ahensya.
Matod pa ni FSUPT Ortega, ang inspeksyon dili lamang para sa panagway o pormal nga hitsura sa mga bombero, kondili usa usab ka pamaagi aron masusi ang kahimtang sa ilang uniform, gamit, ug kinatibuk-ang kahimtang sa serbisyo sa matag miyembro.
Dugang pa niya, ang BFP Zamboanga Sibugay magpadayon sa pagpahigayon sa ingon nga mga kalihokan aron mapalig-on ang moral, disiplina, ug pagkahiusa sa tanang personahe, ilabi na sa ilang paningkamot nga mapalambo ang kalidad sa serbisyo publiko ug kaluwasan sa komunidad.
Photo Courtesy to:BFP R9 Zamboanga Sibugay
