Natapos sa overtime ang panagbangi tali sa Detroit Pistons ug sa nagkalisud nga Washington Wizards. Wala gitugotan sa Pistons nga makalayo ang Wizards human ang ulahi mihimo og 35-20 run sa ikatulo nga quarter aron mo-poste og 9-point lead. Gigukod dayon kini sa Detroit ug sa pagtapos sa ika-4 nga quarter, nakahimo ang team sa pag-poste og all-127 score.
Naghugot og balik ang OT ug nagpamugos ang duha nga makalabang. Usa ka minuto sa wala pa matapos ang OT, gikuptan pa sa Wizards ang 3-point lead apan hingpit kini nga nahanaw hangtod nga na-poste ang all-135, pipila ka segundo sa wala pa matapos ang dula.
Sa pagtapos sa OT, nakahimo si Pistons forward Javonte Green sa pagpasulod og usa ka dunk, ug hingpit nga gitapos ang hugot nga dula. Sa kadaugan sa team, mihimo og 46-point triple-double performance ang guard nga si Cade Cunningham, kauban ang 12 rebounds ug 11 assists.
Mitabang usab og 19 points ug 14 rebounds ang center sa team nga si Jalen Duren. Nasayang ang 42 points ug 6 rebounds ni Washington shooter CJ McCollum kauban ang 15-15 double-double sa center nga si Alex Sarr. Kini na ang ika-napulo nga kapildihan sa Wizards karong season samtang nagpabilin sa usa ang kadaogan niini.
Photo courtesy: The Athletics
